Амбасада на Република Северна Македонија во Ватикан

Најнови вести

Посета на МНР Османи на Светата Столица, средба со Mons. Gallagher

 

ВАТИКАН, 06.09.2021 – Во рамки на работната посета на Светата Столица, Министерот за надворешни работи на Република Северна Македонија, Н.Е. Д-р Бујар Османи оствари средба со Секретарот за односи со држави при Државниот секретаријат на Светата Столица, Mons. Paul Richard Gallagher.

На обострано задоволство, беше констатиран позитивниот развој на билатералните односи, видлив преку честите посети и средби, по апостолската посета на Папата Франциск пред две години. Ваквиот интензитет на билатерални контакти отвора широки можности за интензивирање на понатамошната билатерална соработка меѓу двете земји.

Одбележување триесет години државна независност и пет години од канонизацијата на Мајка Тереза

Рим, 06.09.2021 - Амбасадата на РСМ при Светата Столица, по повод одбележување триесет години од прогласувањето на независноста на Република Северна Македонија и пет години од канонизирањето на Мајка Тереза, од страна на Папата Франческо, организирање прием во хотелот Marriot Flora, во Рим. Специјални гости на приемот беа Министерот за надворешни работи на РСМ, Н.Е Д-р Бујар Османи и Секретарот за односи сo државите при Државниот секретаријат на Светата Столица, Н.Е. Mons. Paul Gallagher, кои, заедно со Амбасадорот на РСМ при Светата Столица, Н.Е. г-ѓа Марија Ефремова, одржаа пригодни свечени обраќања и ги поздравија присутните. На свеченоста беше официјално инаугурирана изложбата на фотографии, насловена „Мајка Тереза - од девојка од Скопје до Светица“, специјално селектирани и подготвени за овој повод.

Предавање на акредитивните писма

РИМ/ВАТИКАН, 19.12.2020 Амбасадорот на Република Северна Македонија при Светата Столица, Марија Ефремова, му ги предаде акредитивните писма на Папата Франческо

Денес, 19.12.2020, именуваниот амбасадор на Република Северна Македонија, Марија Ефремова му ги предаде на Неговата Светост, Папата Франческо акредитивните писма со кои се назначува за вонреден и ополномоштен амбасадор при Светата Столица, со седиште во Ватикан.

Согласно ватиканскиот протокол, амбасадор Ефремова, на свечената церемонија во апостолската палата во Ватикан беше придружувана од семејството, сопругот д-р Димитар Ефремов и синот д-р Кристијан Ефремов, како и од вработените во амбасадата, првиот секретар Александар Спирковски и асистент Тамара Кавракова.

По церемонијата на пречек и свеченото поздравување со Папата Франческо и неговите најблиски соработници, амбасадор Ефремова ги предаде акредитивните писма и ги пренесе поздравите од претседателот Пендаровски и од претставниците на државниот врв. Потоа следеше вообичаената размена на подароци, а веднаш потоа и приватна аудиенција на амбасадор Ефремова со Папата Франческо, каде беа дискутирани актуелните теми во билатералните односи, случувањата во регионот и други актуелни прашања.

Туристички дестинации

Манастир Јован Бигорски

Шарена Џамија, Тетово

Залив на Коските, Охрид